جيت لك هناك حسب المعاد .... جيت لك عشان انهي البعاد
جيت
لك أحدد حب عمري ايه مصيره ... جيت لك وزايد بين ايديكي خط سيره
جيت لك عشان أبدا معاكي من جديد ... جيت لك أعيش واحلم بعمري يكون سعيد
جيتي بالخطوة البطيئة .... جيتي بالضحكة الرقيقة .... جيتي زي ماقلتي جايه ... وفي ميعادك بالدقيقة ..
أنا لما شفتك قلبي طار من لهفتي ... وجريت عليكي وشوقي يسابق خطوتي
جبت السنين في شريط حزين متجمعة ... وسكت فجأة وعيني خايفة مدمعة
ولقيت ايديكي في شنطتك ومطلعه ... دعوة فرح ... دعوة فرح ... دعوة فرح
دعوة فرح وفيها أسمك جنب أسمه .... بردت أيديا وضاع خيال حلمي اللي راسمه
الدهشة والخوف والألم سكنوا ملامحي ... ما بقيتش عارف الاقي صوتي وألم جرحي
معقول ميعاد الفرح يتبدل ألم .... معقول سنين الحب يطويها الندم
طب جيتي ليه وقصدك أيه من اللقا ؟؟ .... جيتي عشان ترميني في حضن الشقا
مبروك عليك الفرح وعليّا الجراح ... .مش هو دا حلمك خلاص أمشي بأه
ليست هناك تعليقات:
إرسال تعليق